Ayven Group kompaniyasi Nutricia Worldwide tomonidan “2025 yilning eng yaxshi hamkori” mukofoti bilan taqdirlanganini faxr bilan e’lon qiladi. Ushbu nufuzli mukofot yuqori natijalar, samarali hamkorlik va barqaror o‘sishni namoyon etgan kompaniyalarga beriladi.

Bu yutuq Ayven Group uchun muhim bosqich bo‘lib, kompaniyaning to‘g‘ri strategiyasi, professional jamoasi va sifatga bo‘lgan yuqori e’tiborini tasdiqlaydi. 2025 yil davomida kompaniya distribyutsiya rivoji, hamkorlik aloqalarini mustahkamlash va mahsulotlarni bozorda ilgari surishda katta natijalarga erishdi.

Nutricia Worldwide vakillari Ayven Group’ning hissasini yuqori baholab, kelgusidagi hamkorlik yanada muvaffaqiyatli bo‘lishiga ishonch bildirdi. Ushbu mukofot o‘zaro ishonch va uzoq muddatli hamkorlikning muhimligini yana bir bor ko‘rsatadi.

Ayven Group kelgusida ham innovatsiyalarni joriy etish, bozor ulushini kengaytirish va yangi yutuqlarga erishish yo‘lida faoliyatini davom ettiradi.